Search/eo

From Online Manual

Jump to: navigation, search

Por informoj pri la serĉ-agordoj, bonvolu vidi Serĉo (administrantoj) (en)

La defaŭlta SMF-etoso (kaj aliaj etosoj bazitaj sur ĝi) havas simplan serĉkampon en la kunvolvebla supra sekcio de la forumo kaj ankaŭ serĉopcion en la ĉefa menupanelo. Per tiu opcio en la ĉefa menupanelo, uzantoj povas atingi ankaŭ la pli detalan serĉfunkcion. Administrantoj povas tamen malŝalti la serĉfunkcion aŭ ŝanĝi la serĉpermesojn de uzantoj.

Simpla Serĉo

Kiam vi rigardas la paĝon de fadeno, la simpla serĉkampo kiu troviĝas ĉe la supro de la defaŭlta SMF-etoso, montros rezultojn nur por tiu fadeno. Same, kiam vi rigardas forumparton, la simpla serĉkampo montros nur rezultojn por tiu nun rigardata forumparto.

Vi ja povas simple entajpi kaj serĉi ajnan kombinon de signoj, sed vi ankaŭ pripensu uzi operacisimbolojn por igi la serĉon pli efika.

Por uzi la simplan serĉkampon (se la detala serĉilo ne estas ŝaltita), sufiĉas simple entajpi la ŝerĉatajn vortojn aŭ esprimojn. Indas tamen memori, ke tiu ĉi serĉilo serĉas en ĉiuj mesaĝoj afiŝitaj dum la antaŭaj 9999 tagoj (t.e. pli ol 27 jaroj)! Tial, vi ricevos pli precizajn rezultojn, se vi uzos la detalan serĉilon de la forumo.

Detala serĉo

Kvankam la detala serĉilo povas unue ŝajni iom malsimpla, ĝi fakte estas sufiĉe facile uzebla, se oni konsideras ĉiun el ĝiaj funkcioj aparte.

  • Eblas serĉi trafojn de ĉiuj vortoj aŭ ajna el la vortoj, kaj per uzo de citiloj oni povas serĉi tutan esprimon.
  • Kiam steleto (*) estas en la kampo De uzanto, la sistemo serĉas en la mesaĝoj de ĉiuj uzantoj. Ankaŭ eblas anstataŭigi tiun ĉi steleton per uzantnomo por serĉi nur en la mesaĝoj de unu uzanto. Oni ne povas tamen enigi pli ol unu uzantnomon en tiu ĉi kampo - la sola metodo por serĉi en la afiŝoj de pluraj uzantoj estas per uzo de la steleto.
  • Se vi elektas Montri rezultojn kiel mesaĝojn, tiam la rezultoj montros plenajn mesaĝojn, anstataŭ nur eltiraĵojn. Tio povas tamen konduki al tre longaj rezultpaĝoj, precipe se vi serĉas oftan vorton aŭ esprimon.
  • Vi povas ankaŭ difini la minimuman kaj maksimuman aĝon de la mesaĝoj, en kiuj vi volas serĉi.
  • Eblas ankaŭ precizigi la serĉon per difino de la forumparto (en), en kiu vi volas serĉi. Laŭ la defaŭlto, la serĉilo serĉas en ĉiuj forumpartoj al kiuj vi havas permeson atingi.
  • Kiam vi finos elekti ĉiujn parametrojn de la serĉo, tiam ekigu la serĉprocezon per klako al la butono Serĉi. Aŭ vi povas simple premi sur la enen-klavo.

Operacisimboloj

En kaj la simpla kaj la detala serĉiloj, vi povas uzi specialajn simbolojn (operacisimbolojn), kiuj modifas la manieron, kiel SMF faras la serĉon.

  • Serĉo de vortgrupo - uzu duoblajn citilojn ("...") ĉirkaŭ la esprimo por serĉi ĝin kiel vortgrupon anstataŭ kiel unuopaj vortoj.
  • Ekskluzivo de esprimoj - uzu minus-signon antaŭ vorto, kiun vi volas ekskluzivi en la rezulto de la serĉo. Ekzemple, "stelo -verda" serĉos la vorton stelo, sed ne verda. Spaceto devas esti antaŭ la minus-signo.

Vi povas lerni pli pri tiaj ĉi operacisimboloj ĉe la help-paĝo de Google. Notu, ke ne ĉiuj tiuj operacisimboloj uzeblas ĉe SMF.

Opcioj de la serĉfunkcio

Administrantoj vidu la sekcion Serĉo (administrantoj) (en) por informoj pri la konfigurado de la serĉilo.