| Languages | English · Deutsch · Ελληνικά · español · فارسی · français · italiano · Nederlands · norsk · português · русский · srpski (latinica) · svenska |
|---|
Necesas ensaluti post registriĝo kaj se vi elsalutis post antaŭa vizito. Vi povas ensaluti aŭ per la ĉefa ensalutpaĝo aŭ per la rapida ensalutilo.
La ensalut-paĝo
Vi vidas tiun ĉi paĝon kiam vi uzas la opcion Ensaluti en la ĉefa menupanelo. Vi ankaŭ vidos tiun ĉi paĝon, se vi volas eniri forumon, kiu akceptas nur registritajn anojn.
- Uzantnomo - la uzantnomo de la ano.
- Pasvorto - la pasvorto de la ano.
- OpenID - la OpenID de al la ano. Tio ĉi estas montrata nur, se administranto ŝaltis tiun ĉi funkcion.
- Minutoj, dum kiuj vi restos ensalutinta - tiu ĉi difinas, kiom da minutoj la retumila kuketo konserviĝos.
- Ĉiam resti ensalutinta - la retumila kuketo neniam eksvalidiĝos.
Se vi uzas vian komputilon kune kun aliaj homoj, ne estas rekomendate resti ensalutinta dum longa tempo kaj vi plej bone ne elektu ĉiam resti ensalutinta, ĉar tiuj ĉi opcioj povas doni al la aliaj uzantoj de via komputilo la eblon eniri kaj uzi vian foruman konton dum via foresto. Kompreneble, se vi neniam forgesos elsaluti post via vizito, tio ne estos problemo, sed povas ja okazi, ke vi iam forgesos.
Rapida ensaluto
En la defaŭlta SMF-etoso situas rapida ensalutilo supre en la maldekstra angulo de ĉiu paĝo. Tio ĉi ebligas al uzantoj ensaluti el de ajna paĝo. En aliaj etosoj, tiu ĉi rapida ensalutilo povas esti en alia loko. Se administranto malŝaltis la rapidan ensalutilon aŭ vi ne povas trovi ĝin, ĉiam eblas ensaluti per la opcio Ensaluti en la ĉefa menupanelo.
En la rapida ensalutilo, oni povas elekti kiom longe resti ensalutinta per elekto de unu el la opcioj en la falmenuo por la seancdaŭro. Vi povas elekti aŭ nombron da minutoj aŭ ĉiam resti ensalutinta.
Rememorigo pri ensalutaj detaloj
Se ano forgesis aŭ perdis sian pasvorton, oni povas rekrei novan pasvorton per klako al Ĉu vi forgesis vian pasvorton? en la ĉefa ensalutpaĝo. Oni devas enigi sian uzantnomon aŭ retpoŝtadreson por komenci la procezon.
Se ano ne kreis sekretan demandon, tiam al la uzanto aŭtomate sendiĝas retletero, kiu enhavas ligilon por krei novan pasvorton. Alie, uzanto povas aŭ respondi al la sekreta demando aŭ ricevi retleteron por krei novan pasvorton. Anoj povas krei aŭ ŝanĝi sian sekretan demandon ĉe Profilo > Modifi profilon> Kontagordoj.
Se ano ĝuste respondas al la sekreta demando, tiam li povas tuj ensaluti per la novkreita pasvorto.l
Elsaluti
Post vizito al la forumo, vi povas elsaluti per klako al Elsaluti en la ĉefa menupanelo.
